Sonstraal kerkraad

Dit is belangrik dat ons gemeente in diepe afhanklikheid van die Here leef. Daarom sien die Kerkraad hulle bediening as ’n soeke na die wil van die Here en die skep van ŉ plek waar Hy werksaam is. Die Kerkraad se taak is nie om soos ŉ direksie van ŉ maatskappy op te tree nie, maar om heeltyd wyses te kry om die gemeente by alle aktiwiteite betrokke te maak.

Ons gemeente is bevoorreg om tussen mense te leef wat baie gawes van die Here ontvang het. Ons wil die Here saam met hulle dien en wil daarom soveel as moontlik mense in bedieninge sien wat onafhanklik funksioneer. Ons slagspreuk sê immers:
“Leef om te dien.”